Ondartxo bidea zabal dezaten eskatzeko sinadura bilketa jarri dute abian
San Pedroko herritar talde batek sinadura bilketa bat jarri du martxan "Bideak ireki" lelopean, formalki eskatzeko bideetan beharrezko konponketa lanak egin eta ireki ditzaten, herritarrek "arnas hartu" ahal izateko.
Ondartxo pasealekura sarbidea galarazten duten hesiak. 
San Pedroko puntetara eta farora doazen bideek itxita diraute neguan luizi batek oinezkoen segurtasuna bermatzea oztopatu zuenetik. Ordutik, herritarrek ez diote mobilizatzeari utzi Ondartxo pasealekua zabal dezaten eskatzeko; azken ekintza, bidea oztopatzen duten hesietan mural bat zintzilikatzea izan zen. Oraingo honetan, sanpedrotar talde batek sinadura bilketa jarri du martxan lurraren jabeei zein autoritateei eskatzeko beharrezko konponketa lanak egin eta lehenbailehen bideak zabal ditzaten, pasaitarrek “arnas har” dezaten berriro.
