Beraungo igerilekua berriro zabalik
Langile batek COVID-19agatik positibo eman zuelako itxiarazi zuten igerilekua joan den astearen bukaeran. HIrailaren 6ra arte izango da zabalik.
Joan den astearen bukaeran Beraungo igerilekuko langile batek COVID-19agatik positibo eman zuelako itxita izan da azken egunetan aisia azpiegitura. Errenteriako Udalak jakinarazi du gaur (hilak 28, ostirala) 13:00etan zabalduko dutela berriz ere. Eusko Jaurlaritzako Osasun Sailaren Gipuzkoako ordezkaritzak eman du baimena, behin langileen PCR probek negatibo eman dutela jakinda, eta instalazioen desinfekzioa eginda.
Beraz, asteburu honetan ohiko ordutegiarekin zabalik izango da igerilekua, 10:30etik 21:00etara. Datorren astelehenetik ostiralera ordutegia zertxobait murriztuko dute, 10:30etik 20:30era irekiko dutelako. Hilaren 6an izango da aurtengoz ateak zabalduko dituen azken eguna.
