Gazteek ere bidea izan nahi dute
Errenteria-Oreretako eta Hernaniko Sarek deituta, Gazte martxara bildu ziren gazteak larunbatean euskal preso eta iheslarien eskubideen alde.
Larunbateko Gazte Martxaren irudi bat, euripean. Argazkia: Olaia Matxain Galfarsoro Gazteek ez zuten hutsik egin. Errenteria-Oreretako eta Hernaniko Sarek antolatuta, gazte martxa egin zuten larunbatean. Bi herrietatik zutabe bana ateratzea zuten helburu, erdibidean, Astigarragan elkartuta. Eguraldia ikusita, baina, Errenteria-Oreretatik ateratzekoa zen zutabea, Hernanitik atera zen, Gudarien plazatik. Euriak ez zituen kikildu eta kilometroak batu zituzten gazteek euskal preso, iheslari eta deportatuen eskubideen eta etxeratzearen alde Sare Herritarrak abiatu duen Izan Bidea dinamikaren harira.
Gazte martxaren bideoa zabaldu dute orain sareetan.
Gazteok bidean !!
— #MikelEtxera#Orainpresoak (@sarexenpelar) August 30, 2020
Denon artean lortuko dugu !!#IzanBidea#Mikeletxera pic.twitter.com/owQFzM9kIA
