Korrika egiteko taldeak antolatu ditu EATk
Hilaren 17an hasiko dira, eta eguerdi eta arratsaldez daude taldeak antolatuta.
Korrika egiteko taldeak antolatu ditu EATk. Korrika egitea dute zaletasun eta hori zabaldu nahi dute herritarren artean. Kirol horretan aritzeko teknikak erakutsi eta taldean aritzeko aukera eskainiko du horretarako Errenteriako Atletismo Taldeak. Hilaren 17an hasita, running taldeak jarriko ditu martxan, eta besteak beste, teknika, indarra, serieak, maldak eta arintasuna landuko dituzte.
Herritarrei ordutegi aukera zabala jarri die eskura gainera atletismo taldeak, eguerdi eta arratsaldean antolatu dituztelako taldeak: 13:30etik 14:30era; 17:30etik 18:30era; eta 19:00etatik 20:00etara.
Izena eman edo informazio gehiago nahi dutenek, 675 66 39 04 telefono zenbakira deitu edo posta elektronikora mezua bidal dezakete.
