Lezoko konposta guneen jarraipen bisita egingo da ostegunean
Beharrezko segurtasun neurriekin, herriko konposta guneen jarraipen bisitek abendura arte jarraituko dute. Hurrengoa datorren ostegunean (hilaren 3a) izango da.
Arrenetxe konposta gunea. Argazkia: Lezoko Udala.Lezoko Udala 
Lezoko Udaletik gogorarazi nahi izan dute konposta guneen jarraipen bisitek aurrera jarraitzen dutela abendura arte, beharrezko segurtasun neurriak hartuta betiere. Hurrengo bisitaldia hilaren 3an (osteguna) egingo da eta, ohi bezala, 9:00etan hasita ondorengo ordena jarraituko da: Altamira, Andreone, Aralar eta Arrenetxe. Lopeneko gunearen berrantolaketa dela eta, irteera honetan ez da jarraipenik egingo (hilaren lehen hamabostaldian berrirekitzea aurreikusten da).
Udalak gogorarazi nahi izan du etxeko hondakin organikoak konpostajearen bidez kudeatzen jarrai daitekeela, eta momentuz ez dagoela COVID-19aren birusa konpost bidez transmititu daitekeen inolako adierazlerik (gune hauen tenperatura baldintzek funtzio higieniko argia dute zentzu honetan). Erabiltzaileek zalantzak izanez gero, edo familia berriek izena eman nahiko balute, udaletxearekin edo aholkularitza teknikoarekin harremanetan jar daiteke edonor e-mail edota WhatsApp bidez: 647 05 74 02.
