Diru laguntzak eskainiko dizkiete familiei eskolako materiala erosteko
15 euro emango dizkie Pasaiako Udalak familiei, derrigorrezko eskolatze-adinean dagoen adingabe bakoitzeko. Eskaerak urriaren 30era arte egin daitezke.
eskolako materiala diru laguntzak 
Pasaiako Udalak iragarri du 35.000 euro bideratuko dituela EskolarALAI programaren bitartez familiei ikasturte berrirako laguntzak eskaintzeko. Hala, derrigorrezko eskolatze-adinean dagoen adingabe bakoitzeko 15 euro emango zaio familia bakoitzari, eskolako materiala erosi ahal izateko.
Diru laguntzak Pasaiako edozein dendatan erosketak egiten dituztenei emango dizkiete, uztailaren 20tik urriaren 30era bitarte, oinarrietan zehazten den eskola-materiala erosi duten 6 eta 16 urte bitarteko haurren tutoreen bitartez. Eskaerak HAZ bulegoetan edo Pasaiako Udalaren izapide elektronikoen atarian egin daitezke.
