Hibaikako gizonen traineruak ez du lortu Kontxan izatea
Txartel horietako bat lortzea ez zen Hibaikako gizonen helburua, baina bai Kontxako badiako uretan aritu diren beste traineruekin batera lehiatzea, gozatzea eta beren indarrak neurtzea.
Hibaikako gizonen trainerua Kontxako sailkapen estropadan. Saiatuak diren zalantzarik ez da, hori ordea ez da nahikoa. Argi gelditu da gaurko Kontxako Banderaren sailkapen erlojupeko estropadan. Zazpi txartel zeuden jokoan, 24 ontzirentzat eta azkena sailkatu da Hibaika gaurko estropadan 22:20ko denbora eginda. Txartel horietako bat lortzea ez zen Hibaikako gizonen helburua, baina bai Kontxako badiako uretan aritu diren beste traineruekin batera lehiatzea, gozatzea eta beren indarrak neurtzea. Ezustekorik ez du utzi gaurko estropadak, eta kinieletan aurreikusitakoa bete da.
Ez dute Kontxako Banderaren lehiarako txartelik lortu gizonek, baina Hibaikako emakumeak Donostian izango dira asteburuan atzo txartela lortuta. Errenteria-Orereta beraz, ordezkatuta egongo da Madalen ontziko tripulazio gaztearekin datozen bi igandeetan. Arraunaren festa, baina, etxetik izango da aurten.
