Oiartzun ibaiko faunaren kontra tiroka ari direla salatu du Eguzkik
Oiartzun ibaiertzean bizi diren Iztietako hainbat bizilagunen bidez jaso du informazioa taldeak, baita erasoa egiaztatzen duten bideo eta argazkiak ere.
Iztietako bizilagunek salatu dute Oiartzun ibairen habitatean bizi diren anaimalien kontrako erasoa. Oiartzun ibaian bizi diren animalien kontra tiroka ari direla salatu du Eguzki talde ekologista eta antinuklearrak. Oiartzun ibaiertzean bizi diren Iztietako hainbat bizilagunen bidez jaso du informazioa taldeak, baita erasoa egiaztatzen duten bideo eta argazkiak ere. Informazio hori, Udaltzaingoa eta Ertzaintzaren esku dagoela ere jakinarazi du Eguzkik.
Ez da berria egoera, taldeak salatu duenez, “bizilagunek jakinarazi digute ez dela lehenengo aldia bertan bizi den animalia bat tiroz hilda ikusten dutena”. Gaia argitzeko zain dira orain.
Salaketarik ez badago, ofizioz jardutea eskatu du Eguzkik, eta egilea edo egileak identifikatzekotan “modu eredugarrian” jardutea eskatu du halako egoerak errepikatu ez direla bermatzeko. Egoera puntuala ez denez, errepikatzen den jokaera baizik administrazio eskudunei jarraipen zehatza egin eta beharrezko bitartekoak jartzeko galdegin die habitat horretan bizi diren espezie gehiago hil ez ditzaten —kaioak, ahateak, ubarroiak— eta ingurumen delituak saihesteko.
