Astelehenetik, ohiko ordutegia liburutegian
Erabiltzaileek, orain arte bezala liburu eskaerak bide telematikoa erabilita egitea gomendatu dute.
Hilaren 7tik aurrera, ohiko ordutegiarekin hasiko da liburutegia behin-behinean. Erabiltzaileek, orain arte bezala liburu eskaerak bide telematikoa erabilita egitea gomendatu dute. Helduen liburutegian, arreta ordutegia 08:30etik 20:30era izango da, mailegu zerbitzuan batera zortzi lagun onartuko dituzte gehienez, eta hamabost minutuko tartea izango dute liburuak aukeratzeko. Erabiltzaileek, gainera, banaka joan beharko dute, menpekotasuna dutenak salbu, eta irakurketa gelari dagokionean 22 lagun onartuko dituzte gehienez.
Haur liburutegian 16:30etik 20:00etara izango da arreta ordutegia. Mailegurako baldintzak, helduen liburutegiko berak izango dira eta erabiltzaileak banaka joan beharko dute 8 urtetik beherakoak eta menpekotasuna dutenek salbu.
Telefono bidezko zerbitzua eta telematikoa eskainiko du liburutegiak 08:30etik 20:30era 943 44 96 35 telefono zenbakiaren bidez, whatsapp bidez 647 67 34 51 telefono zenbakian, eta posta elektronikoan.
