Kalitate akustikoari buruzko eremu-planen azken bilera asteartean
Babes Bereziko Eremu Akustikoen bidez, eremu bat mugatzen da bertan identifikatzeko igorle akustikoen fokuak eta horien intzidentzia.
Herriko eremu planak idazteko konpromisoa hartu zuen udalak 2018an, kalitate akustikoko helburuak betetzeko neurriak ezarri ahal izateko. Horren harira, bilerara deitu du datorren asteartean 18:30ean Reina Aretoan, eta zehazki Sagardiburu-Anabitarte, Galtzaraborda, Igantzi, Kaputxinoak, Iztieta, Olibet-Etxeberri eta Alabergako herritar eta auzo elkarteei luzatu di dei hori.
Halere, bilera irekia izango da, eta informazio zuzena eskuratu nahi duen oro bertaratu daiteke. Bilera horietan jasoko dira herritarren kezkak, eta arazoak, eta ekarpen horiek kontuan hartuta izendatuko dira herriko Babes Bereziko Eremu Akustikoak. Ekarpenak egiteko epea, hilaren 30ean amaituko da. Ekarpen horiek idatziz udal erregistroan aurkezteko eskatzen da.
Babes Bereziko Eremu Akustikoen bidez, eremu bat mugatzen da bertan identifikatzeko igorle akustikoen fokuak eta horien intzidentzia. Eremu bakoitzean plan bat egingo da aplikatu beharreko kalitate akustikoko helburuak lortzeko.
Antzeko zarata-afekzio jatorria duten auzoak, elkarrekin multzokatu eta zortzi BABE egin direla azaldu du udalak: Beraun eta Pontika; Iztieta, Morrongilleta eta Erdigunea; Gabierrota, Fanderia, Lartzabal eta Markola; Olibet eta Etxebarrieta; Kaputxinoak, Sorgintxulo, eta Don Bosco; Esnabide eta Galtzaraborda; Gaztaño eta Gaztaño Berri; eta Sagardiburu, Anabitarte.
Udalaren ustez, dokumentu horiek epe labur eta ertainean burutu behar diren neurrien ibilbidea zehazten dute, “garrantzitsuak dira beraz, herritarren ekarpenak”. Dokumentuak udalaren ingurumenari buruzko web orrian kontsulta daitezke.
