KZGuneak zuzeneko hitzaldiak eskainiko ditu, Youtube bidez
Oiartzungo KZGuneak oraingoz ez du saio presentzialik emango, baina hitzaldi sorta bat antolatu du. Astean hitzaldi telematiko bana emango dituzte.
Oiartzungo KZGuneak hutsik jarraituko du, oraingoz.
Oiartzungo KZGuneak oraingoz ez du eskola presentzialik emango, baina horren ordez 30na minutuko hitzaldiak emango ditu, telematikoki. Hainbat gai jorratuko dituzte, guztiak teknologiarekin lotutakoak. Astean gai bana jorratuko dute; saio bat euskaraz izango da, eta bestea, gazteleraz.
Hitzaldiak Youtuberen bitartez emango dituzte. Plataforma horretan KZGUNEATIC hitza bilatu behar da. Bertan, jarraitu eta hitzaldiak direnen jakinarazpenek abisatuko dute erabiltzailea. Honakoak izango dira hitzaldiak:
- 2G, 3G, 4G… Zer da? Bihar, hilak 8, gaztelaniaz, 11:00etatik 11:30era. Etzidamu, hilak 10, ordu berean, euskaraz.
- Ludifikazioa, dena da hobea jolasten. Hilak 15, asteartea, 18:00etatik 18:30era, euskaraz. Hilaren 17an, ordu berean, gazteleraz.
- Google Lens. Gure kamerarekin bilatzen. Hilak 22, asteartea, 11:00etatik 11:30era, gazteleraz. Hilaren 24an, ordu berean, euskaraz.
- Argazki mugikorreko aholkuak. Hilak 29, asteartea, 18:00etatik 18:30era, euskaraz. Urriaren 1ean, ordu berean, gazteleraz.
