Irakurketa Taldeak badaki zein liburu irakurriko dituen ikasturte honetan
Albert Camusen 'Izurria' liburuarekin hasiko dute ikasturtea, irailean. Hilean behin elkartuko dira, astearte batean, ekainera arte.
Albert Camusen (1913-1960) ‘Izurria’ irakurriko dute, 1947an argitaratutakoa.
Manuel Lekuona bibliotekako Irakurketa Taldeak esku artean du irakurri behar dituen liburuen zerrenda. Aurten irailean hasiko dira, pasa den ikasturteko saio bat ez egitera behartu zuelako pandemiak.
Hilaren 22an, 20:00etan, elkartuko dira, Albert Camusen Izurria eleberriari buruz hizketan aritzeko. Ohi bezala, hilean behin elkartuko dira, astearte batez, ordu horretan. Saioak segurtasun neurri guztiekin hartuko direla iragarri dute. Azkena ekainean egingo dute; dena ongi bidean, Oier Guillanekin solasaldia egingo dute, VHS eleberriari buruz hitz egiteko.
Irailak 22: Izurria (Albert Camus).
Urriak 20: Miñan (Amets Arzallus eta Ibrahima Balde).
Azaroak 17: Han ez banengo bezala (Slavenka Draculic).
Abenduak 15: Gutiziak (hainbat egile).
Urtarrilak 19: Zerbitzuko lanean (Elixabete Perez Gaztelu eta Haizea Saez de Eguilaz).
Otsailak 23: Neguko argiak (Irati Elorrieta).
Martxoak 23: Nire amaren biografia (Jamaica Kincaid).
Apirilak 20: Iturria (Unai Elorriaga).
Maiatzak 18: Kabitu ezina (Aintzane Usandizaga).
Ekainak 24: VHS (Oier Guillan).
