Euskara ikasteko bekak eska ditzakete ikasleek
2020/2021 ikasturtean ere, Oiartzungo Udalak bekak emango ditu euskaltegi homologatuetan euskara ikasten ari direnei.
Oiartzungo Udalak jakinarazi duenez, ikasturte honetan ere euskara ikasteko eta hobetzeko laguntzak emango ditu. B2 maila arte euskara ikastea doakoa izango da oiartzuarrentzat eta hortik goitiko mailetan ere laguntza emango dute. Kasu horretan, %70era arteko laguntza.
Laguntza eskatzeko, euskaltegi homologatuan eman behar da izena eta Oiartzunen erroldatua egon. Euskara eskoletan %85eko asistentzia izan behar da.
Ohi bezala, laguntzaren erdia ikasturte hasieran emango du udalak eta beste erdia, ikasturte bukaeran. Hori bai, euskaltegiko asistentzia justifikatu beharko dute.
Informazio gehiago nahi duenak Euskara sailean eska dezake. Fermiñene etxeko beheko solairuan dago. Bertara joan daiteke, edo e-posta bidez idatzi. Bestela, 943 49 38 42 telefono zenbakira dei daiteke.
