16 eta 17 urteko gazteek deskontua izango dute herriko museoetan
Aldundiaren Eskola Kultura Bonuarekin Oiartzungo hiru museoak merkeago bisitatzeko aukera egongo da. Ikastetxeetan banatuko dituzte bonuak.
Luberri da bonuaren barruan dagoen museoetako bat.
Gipuzkoako Foru Aldundiak sustatzen duen Eskola Kultura Bonua izenekoarekin Oiartzungo hiru museoak ezagutzeko aukera izango dute 16 eta 17 urteko Gipuzkoako gazteek.
Arditurriko meategiak, Luberri Ikasgune Geologikoak eta Soinuenea-Herri Musikaren Txokoak eta Oiartzungo Udalak eskatuta, herriko hiru museoak bonu horretan sartu dituzte.
Bonu hori baliatuta, Gipuzkoako 16 eta 17 urteko gazteek deskontuak izango dituzte herrialdeko hainbat txokotan, tartean hiru museo horietan.
Aldundiak ikastetxeetan banatuko ditu bonuak, eta urriaren 15etik abenduaren 31ra erabili ahal izango dira.
