Traineru arrosa, janariz gainezka
Pasa den asteburuan egindako elikagai bilketan ez zen poltsa gehiago kabitzen: "Emaile batzuek erosketa-orga hustu ere egin zuten traineruan".
Sanjuandarren trainerua, elikagaiez beteta, iniziatibaren amaieran. 
Pasatako ostiral eta larunbatean (hilak 11 eta 12) elikagai bilketa egin zen Mamut merkatalgunean. Iniziatibaren helburua sanjuandarren trainerua janariz betetzea zen, gero bildutakoa elikagai bankuari emateko. Helmuga, baina, motz gelditu zitzaien, jendearen erantzuna bikaina izan baitzen: “Emaile batzuek erosketa-orga hustu ere egin zuten traineruan”.
Guztira hamar izan ziren janari bilketarekin bat egin zuten boluntarioak, eta antolatzaileek (Mamut, Alcampo, Gipuzkoako elikagai bankua eta Koxtape Arraun Elkartea) publikoki eskerrak eman nahi izan dizkiete euren harri-koskorra eskaini zuten horiei guztiei. Arraun elkartekoek jarduerak poztasun handia sorrarazi diela adierazi dute: “Hurrengo urtean errepikatzeko gogoekin geratu gara”.
Erlazionatutako edukiaTraineru bat janariz beteko dute elikagai bankuarentzat
