Pasaiako liburutegiek ordutegi berria izango dute astelehenetik aurrera
Datorren astelehenean (hilak 21) herriko liburutegietan udazkeneko ordutegia ezarriko da. Horrez gain, COVID-19aren beharrei egokitzeko neurriak ere hartuko dira.
Datorren astelehenetik (hilak 21) aurrera, Pasaiako liburutegiek udazkeneko ordutegiari ekingo diote. Horrez gain, Koronabirusak eragindako beharrei erantzunez, hainbat arau jarriko dituzte indarrean.
Honakoak dira ordutegi berriak:
- San Pedro: Astelehenetik ostiralera, 17:00etatik 19:45era.
- Trintxerpe: Astelehenetik ostiralera, 10:00etatik 12:45era eta 16:00etatik 19:45era.
- Donibane: Astelehenetik ostiralera, 10:00etatik 12:45era eta 16:00etatik 19:45era.
- Antxo: Astelehenetik ostiralera, 10:00etatik 12:45era eta 16:30etatik 19:45era.
Honakoak dira ezarri diren arauak:
- Liburutegiko sarrera nagusitik aurrera derrigorrezkoa izango da musukoaren erabilera.
- Sarreran eskuragarri dagoen gel hidroalkoholikoarekin garbitu beharko dira eskuak.
- Erabiltzaileek bakarka joan beharko dute liburutegietara (12 urtetik beherakoak eta mendekotasunen bat dutenak beste pertsona batekin hurbil daitezke).
- Pertsonen arteko distantzia mantendu beharko da uneoro.
- Bueltatzen diren liburuak sarreran dauden kutxetan utzi beharko dira, orain arte bezala; astebetez gordeko dira berrogeialdian.
- Ikasketa gela: Edukiera mugatuarekin eta distantziak mantenduz eseriko dira erabiltzaileak.
- Trintxerpeko goiko gela eta Antxoko gazteena ezingo dira erabili ikasteko, baina banaka sar daiteke liburuak hartzera.
- Helduen mailegua: Liburuak aukeratzera sar daiteke, gehienez bi pertsona eta 15 minutuz.
- Haurren gela: Soilik liburuak aukeratzera sar daitezke haurrak, gehienez bi pertsona 15 minutuz. 12 urte arte heldu batekin.
- Antolatzen diren jarduera guztietan segurtasun neurriak bete beharko dira.
