Oiartzuarrek hiru tontorretik aldarrikatuko dituzte presoen eskubideak
Sarek Euskal Herriko 650 tontorretara igoera antolatu du urriaren 3rako. Oiartzunen Erroibide, Munanier edo Zariara igoko dira
Sarek mendi igoera sorta handi bat antolatu du urriaren 3rako. Euskal Herrian “inoiz egin den mendi tontor igoera bateratu handiena” izango dela ziurtatu dute. Izan ere, 650 mendi tontorretara igotzeko deia egin dute.
Oiartzunen aukeran eman dituzte hiru tontor: Erroibide (837 metro), Munanier (780 metro) edo Zaria (650 metro). Kamiseta urdina jantzita Deialdiak honakoak dira:
- Erroibide: 08:30ean Arditurriko meatzetako aparkalekuan hasiko da, 10:00etan Arritxulotik pasatuko da eta 11:30ean tontorrean.
- Munanier: 08:30ean Karrikako Artaso elkartean, 10:45ean Kauson eta 11:30ean Munanierreko tontorrean.
- Zaria: 10:45ean Kauson, 11:30ean Zarian.
Oiartzuarrak animatu dituzte hiru mendietako bat igotzera: “Elkarbizitzaren eta bakearen alde, konponbidearen alde eta preso eta iheslarien etxeratze prozesua martxan jartzeko bidea izan nahi duten guzti horiei, urratsak eman eta kilometroak egiteko prest dauden guzti horiei”.
