[Datu eguneratuak] Hiru egoiliar hil dira Jesusen Bihotza erresidentzian aldundiak emandako datuen arabera
Hirurak positibo izan ziren COVID-19an. Heriotza horiek guztiak aste honetan izan dira, asteartean, asteazkenean eta ostegunean, zehazki.
Azken egunetako datuak grafiko batera bilduta. Gipuzkoako Foru Aldundiak HITZA-ri emandako datuen arabera, hiru dira Gabierrota auzoan kokatutako Jesusen Bihotza adinekoen erresidentzian hil diren egoiliarrak. Hirurak positibo izan ziren COVID-19an. Heriotza horiek guztiak aste honetan izan dira, asteartean, asteazkenean eta ostegunean, zehazki.
Hilaren 7an COVID-19an positiboa zen egoiliarra atzeman zuten Errenteriako Gabierrota adinekoen egoitzan. Ordutik PCR probak egin zituzten egoitza horretan, positiboa izan zen egoiliarraren planta berean ziren beste egoiliarrei lehenik, eta ondoren, erresidentziako gainontzeko egoiliar eta langileei. Bi egun geroago, hamalau positibo zenbatu zituzten, eta hurrengo egunetan 19ra heldu zen kutsatutakoen kopurua. Une honetan, hamasei dira COVID-19an positibo Errenteria-Oreretako egoitza horretan.
