Ekintza egitarau oparoa liburutegian, haur eta helduentzat
Astelehenean zabalduko dute liburutegian antolatutako ekintza sortan izena emateko epea. Urritik aurrera jarriko dituzte martxan tailer guztiak, haurrei eta helduei begira, egungo egoerara moldatu eta talde txikiagoetan.
Astelehenean zabalduko dute liburutegian antolatutako ekintza sortan izena emateko epea. Urritik aurrera jarriko dituzte martxan tailer guztiak, haurrei eta helduei begira, egungo egoerara moldatu eta talde txikiagoetan.
Hala, haurrei begira, 3-5 urte artekoentzako irakurketa klubak urriaren 6an egingo du lehen saioa 17:15ean. Haurrengan irakurzaletasuna sustatzea du helburu talde horrek, eta saioak astean behin egingo dituzte. 6 eta 8 urte arteko haurrek ere izango dute beren irakurketa kluba. Urriaren 26an hasiko dute bidea, 17:15ean eta astean behin egingo dute.
Helduek ere izango dute non aukeratu. Irakurleen Klubean euskaraz idatzitako liburuen gainean solasteko aukera izango dute. Saioak hilean behin egingo dituzte eta lehena, urriaren 5ean izango da 19:00etan. Literatur solasaldia gaztelaniaz ere hilean behin egingo dute urriaren 6an hasita 19:00etan.
Kontakizunen solasaldia da helduei begirako beste tailerretako bat. aurten, Emakume harrituak, XX. mendeko erdialdeko espainiar idazleak goiburuarekin hilean behin egingo dituzte urriaren 13an hasita 18:30ean. Eta ingelesak ere ez du kale egingo, eta horretarako, Book Cluba izango dute aukeran ingelesez mintzatu nahi dutenek. Hauek ere hilean behin izango dira 19:00etan hasita; lehena, urriaren 21ean izango da.
Azken tailerra, elikadurarena izango da. Digestio osasuna eta osasuna orokorrean aztertuko dute bertan. Astean behin izango da, online, 18:00etan hasita eta lehenengo saioa, urriaren 22an izango da.
Liburutegiarekin haremanetan jartzeko hainbat bide eman dituzte: 943 449 635 telefono zenbakian; 647 673 451 whatsappez; edo posta elektronikoz.
