'Pasaia Musikal'-ek ikasturteari hasiera emango dio datorren asteazkenean
Pasaiako Musika Fundazio Publikoak hilaren 23an hasiko du 2020/2021 ikasturte berria. Oraindik izena eman daitekeela iragarri dute.
Datorren asteazkenean emango zaio hasiera ikasturte berriari. Argazkia: Pasaia Musikal. 
‘Pasaia Musikal’, Pasaiako Musika Fundazio Publikoak, irailaren 23an (datorren asteazkena) emango dio hasiera 2020/2012 ikasturte berriari. Hezkuntza eskaintza, urtero lez, Trintxerpe, Antxo eta Donibanen izango da. Plaza batzuk libre direla iragarri dute, eta beraz, oraindik badela izena emateko aukera.
Nabarmendu nahi izan dute, aurten, COVID-19ak eragindako egoera dela eta, ahalegin berezia egingo dela osasun eta segurtasunari dagokionez, Osasun Sailak zehaztutako neurriak bermatzeko. Informazio gehiago eskura daiteke Pasaiako Udalaren webgunean, 943 39 60 55 telefono zenbakira deituz, edota helbide elektronikora mezu bat bidaliz.
