Pasaiako Dantza Festibala urriaren lehenengo astean izango da
Koronabirusagatik ekainean izatekoa zen dantza jaialdiaren bigarren edizioa atzeratu behar izan zen. Azkenean, urriaren 1etik 4ra egitea aurreikusi da.
Pasaiako Dantza Festibalaren antolatzaileek iragarri dute jaialdia urriaren 1etik 4ra egitea aurreikusi dela, egoera soziosanitarioak ahalbidetzen badu, betiere. COVID-19ak eragindako osasun krisiaren ondorioz, ekainaren 11tik 14ra egitekoa zen egitaraua atzeratu behar izan zuten, eta datorren hilabetean egingo da, hortaz, festibalaren bigarren edizioa. Antxon izango dira ekitaldi gehienak, baina badira Donibanen ere.
Sarrerak doakoak izango dira, baina aldez aurretik erreserba egin beharko da ekitaldietara joan ahal izateko dantza festibalaren webgunean. Estekan klik eginez kontsultatu ahal izango da, halaber, egitaraua eta beste hainbat informazio garrantzitsu.
Horrez gain, egitarauaren berri ere eman dute antolatzaileek. Esteka honetan sartuz gero ikus daiteke osotasunean.
