Udalak diru laguntzak emango dizkie autonomo eta mikroenpresei
Pasaiako Udalak iragarri du COVID-19ak eragindako galera ekonomikoak arintzeko gehienez 1.000 eurokoa izango den laguntza eskainiko diela sektoreko langileei. Eskaerak urriaren 30a arte aurkez daitezke.
Eskakizun bakoitzeko gehienezko zenbatekoa 1.000 eurokoa izango da. 
Pasaiako Udalak iragarri du laguntza zuzenak emango dituela COVID-19aren ondoriozko alarma egoerak eragindako diru galerak arintzeko. Onuradunak merkataritza, ostalaritza eta pertsonentzako zerbitzuetako langileak izango dira, eta eskaerak urriaren 30a arte aurkez ditzakete horiek. Eskakizun bakoitzeko gehienezko zenbatekoa 1.000 eurokoa izango da, eta honela kalkulatuko da:
- 800 euroko zenbateko finkoa.
- Zenbateko horri beste 100 euro gehituko zaizkio enpresak 1 eta 5 langile bitartean baditu, edo 200 euro, 6 eta 9 langile bitartean baditu.
Diru laguntzari buruzko informazio guztia irakurgai dago hemen klik eginez.
