Lezoko Euskaraldiaren herri batzordea ostegunean bilduko da
Batzar irekia da, eta 16:30ean hasita egingo dute Oroitzene AEKren egoitzan. Entitateei bereziki izena emateko deia egin diete.
Lezoko Euskaraldiaren herri batzordeak beste bilera batera joan daitezen dei egin die lezoarrei. Bilkura ostegunean izango da (hilaren 24an), 16:30ean, Oroitzene AEKn.
Azaroaren 20tik abenduaren 4ra arte egingo da Euskal Herri osoan bigarren Euskaraldia. Aurten, arreta berezia jarri nahi izan dute entitateetan eta erakundeetan. Beraz, horiei euskararen erabileraren aldeko ariketa kolektiboan izena emateko deia egin diete. Hilaren 27an bukatuko da horientzat espresuki zabalik dagon izen emate epea.
Lezoko batzordekoek duela bi urteko Euskaraldiarekin bat egin zutenen marka gainditu nahi dute: “Animatu eta zatoz. Erronka politta dugu. Gora Lezo eta gora euskara!”.
