Altzaten, ikastaroak daudenean hitzordua eskatu behar dute erabiltzaileek
Ikastaroak astelehenetik ostiralera 17:00-19:00 tartean dira, eta larunbatetan 10:00etatik 13:00etara. Segurtasuna bermatzeko neurria da.
Ikasturtea hasita, Lezoko Altzate igerilekuan haurrentzako ikastaroak abian dira. Ordutegi horietan (behean zehaztuta daude) igerilekua erabili nahi duten beste erabiltzaileek aldez aurretik hitzordua eskatu behar dute, zitarik gabe ezin ahal izango da sartu. Izan ere, COVID-19agatik aforo muga du igerilekuak, eta ikastaroekin mugimendu handia izan ohi da. Igerilekuaren erabilera erregulatzeko neurria da, erabiltzaile guztien segurtasuna bermatze aldera.
Ikastaroak astelehenetik ostiralera 17:00etatik 19:00etara, eta larunbatetan 10:00etatik 13:00etara dira. Beraz, ordutegi horietan igerilekua erabili nahi dutenek (ikastaroetan dabiltzan haurrek ez) derrigor eskatu beharko dute hitzordua. Ordutegi horretatik kanpo sarrera libre da.
Hitzordua Mi club online aplikazioaren bitartez egin behar da, orain arte jarduera librean erreserba egiteko aplikazio berbera da.
