Bateleren jantziak eta historia, Jantziaren Zentroan
Jantzien erakusketa egingo du zentroak, baina ez da horretara mugatuko, harago joan eta nortzuk ziren, lanbidearen gainekoak, eta zein garrantzia zuten Pasaiako portuarentzat azalduko du Kapitain Etxean bihar zabalduko duten erakusketa berriak.
Pasaiako Batelerak dira Jantziaren Zentroak aukeratu duen proposamen berria. Jantzien erakusketa egingo du zentroak, baina ez da horretara mugatuko, harago joan eta nortzuk ziren, lanbidearen gainekoak, eta zein garrantzia zuten Pasaiako portuarentzat azalduko du Kapitain Etxean bihar zabalduko duten erakusketa berriak.
Bederatzi batelera jantzik osatzen dute erakusketa hori; denak, koadroetatik, grabatuetatik edota argazkietatik erreproduzitutakoak dira, eta bi XVIII. mendekoak dira, hiru XIX. mendekoak eta bat XX. mendekoa. Jantzien ondoan, horiek egiteko erabilitako argazkiak daude.
Erakusketa girotzeko irudiak baliatu ditu, gainera, Jantziaren Zentroak eta horien artean Luis Paretek 1879. urtean margotutako Pasaiako badiako margo lana handitu eta horma batean aldetik aldera jarri du; irudi horretan, Pasaiako badia, Pasai San Pedro eta Pasai Donibane.
Betelera gehienak Errenteria-Orereta eta Pasaiako emakumeak ziren, eta badiaren alde batetik bestera, edo itsasontzitik portura, pertsonak edo merkantziak garraiatzen zituzten. Lau mendeetan zehar, emakumeen ogibide bihurtu zen. Horien gaineko aipamenik zaharrena 1615. urtekoa da, Lope De Vega idazleak aipatu zituen “lorez eta adarrez apaindutako txalupa arraunlariak”. Jantziez, eta irudiez gain, hamar idazleren testuak ere txertatu ditu erakusketan zentroak, tartean Pierre de Lancre inkisidorearenak; 1622an horrela deskribatu zituen: “Deabruarekin hitzarmena dute itsasaldiak aldatzeko eta ekaitzak altxatzeko”.
Izen abizenak zituzten batelerek, eta hori ere presente izango da erakusketan, jantziaren Zentroak 1615etik 1860era Errenteria-Oreretako eta Pasaiako artxibo historikoetako dokumentazioetan aipatzen direnak jaso ditu.
Larunbatean zabalduko dute erakusketa eta, doan ikus daiteke urriaren 25era arte. Ordutegia, hoankoa, larunbatetan 11:00etatik 14:00etara eta 17:00etatik 20:00etara, eta igande eta jai egunetan 12:00etatik 14:00etara.
