Iñaki Mendizabal, Hibaikako emakumeen entrenatzaile berria
Mendizabalek Amaia Gezalaren lekukoa hartuko du eta bera arduratuko da Madalen ontziko tripulazioa gidatzeaz aurrerantzean. Gezalak bi urte egin ditu entrenatzaile lanetan, 2028ko irailean kargua hartu zuenetik.
Iñaki Mendizabal Iturria oiartzuarra da Hibaikako emakumeen entrenatzaile berria. Hala jakinarazi du arraun elkarteak sare sozialen bidez. Mendizabalek Amaia Gezalaren lekukoa hartuko du eta bera arduratuko da Madalen ontziko tripulazioa gidatzeaz aurrerantzean. Gezalak bi urte egin ditu entrenatzaile lanetan, 2018ko irailean kargua hartu zuenetik.
Ibilbide luzea eta eskarmentu handia ditu Mendizabalek arraun munduan. San Juanen hamar urtez aritu da arraunean, Santiagotarrak elkartean arraunlari nahiz entrenatzaile lanetan bi urtez aritu da; lau urtez Hondarribia B ontzian, urtebete Trintxerpen, eta hiru urte Zarautzen. Azkenik, bi urtez Donostiarrako emakumeen entrenatzaile ere izan da.
Hibaikako zuzendaritzak eskerrak eman dizkio Gezalari “elkarteari egindako ekarpenarengatik”, eta ongi etorria eman dio klubaren izenean Mendizabali.
