Ordenantza fiskalak izozteko eskatuko du PSE-EEk
Oro har zerga eta tasak izoztea 2021ean, terrazen zerga ezabatzea, eta aurten ordainketarako udalak herritarrei eskaini dizkien ordainketarako erraztasunak datorren urtean ere mantentzeko eskatu dio gobernu taldeari.
Jose Angel Rodriguez PSE-EEren bozeramailea. Argazkia: PSE-EE Datorren urteko ordenantza fiskalak epe laburrean eztabaidatu eta onartuko ditu udalbatzak, eta horren harira, oro har izozteko eskatuko duela jakinarazi du gaur alderdi sozialistak prentsa ohar bidez. COVID-19aren osasun larrialdiak udalerriaren ekonomian bai familietan zein enpresetan eragin ezkorra izan duela eta, bizilagunei presio fiskala areagotzeko unea ez dela esan du PSE-EEk, “udaletik esfortzu bat egiten jarraitu behar dugu enpresen zein familien egoera ekonomikoa ez okertzeko”.
Oro har zerga eta tasak izoztea 2021ean, terrazen zerga ezabatzea, eta aurten ordainketarako udalak herritarrei eskaini dizkien ordainketarako erraztasunak datorren urtean ere mantentzeko eskatu dio gobernu taldeari Jose Angel Rodriguez alderdi sozialistaren bozeramaileak.
