Ura eta estolderia tasa ordaintzeko epea, zabalik
Bihartik abenduaren 31 arte dago tasa ordaintzeko epea zabalik.
Zabalik da bihartik ura eta estolderiaren bigarren hiruhileko tasa ordaintzeko epea. Helbideratuta dauden ordainagiriak, hasiera batean, azaroaren 20an kargatuko dituela jakinarazi du udalak baimendutako kontu korrontean. Geroago, bigarren karga bat egingo da abenduaren 31n, ordaintzeko epea luzatu nahi dutenentzat.
Erreziboa helbideratuta ez duten zergadunek, Zu! arreta zerbitzuan egin ditzakete ordainketak, edo edozein entitate laguntzaileetan epea amaitu bitartean, hau da, abenduaren 31 arte.
