Preso eta iheslarien etxeratzea eskatzeko Jaizkibelgo tontorrera igoko dira
Lezoarrak, uztailean egindako mendi martxan. Sare Herritarraren Izan Bidea dinamikaren barruan, Euskal Herri osoko mendietako tontorretara igotzeko deia egin dute. Pasaian eta Lezon ere bat egingo dute deialdiarekin. Urriaren 3an (larunbata) Jaizkibelera igotzeko asmoa dute. Hondarribiarrek ere mendirako bidea hartuko dute.
Euskal Herriko 650 tontorretara igotzea dute asmo Sarekoek, euskal preso eta iheslariak etxeratzeko bidean goranzko urratsak egin nahi dituzte. Eragiletik jakinarazi dute “inoiz egin den tontor igoera bateratu handiena” izango dela larunbatekoa.
Lezoarrek 09:00etan dute hitzordua Karlos Saldise plazan, handik abiatuko dira Jaizkibel aldera. Donibanen geldialdia lehenago da, 08:30ean Santiago plazan. Bidean bat egingo dute denek.
Urriaren 3ko iniziatiba erraldoirako izena eman behar da. Esteka honetatik egin daiteke hori.
