Udazkena izanagatik, Arditurrik ez du bere eskaintza etengo
Meategiak bisitatzeko urriko eta azaroko ordutegien berri eman dute. Datorren astelehenean tren berdea joateko aukera egongo da.
Udan bisitak eskainiko dituzte. Arditurriko meategia urte osoan ezagutu daiteke, eta udazkenean ez da gutxiago izango. Datorren astelehenean —hilak 12— Tren Berdean Arditurrira joateko aukera egongo da, prezio berezian.
Tren Berdea eta Arditurriko meategia konbinazioak bost euroko prezioa izango du, sakonean bisitatu nahi izanez gero (13 urtez beherako haurrek hiru euro ordaindu beharko dute). Oinarrizko bisita egin nahi duenak bost euro ordaindu beharko ditu (haurrek, hiru).
Trenak hiru ordutegi izango ditu, Pagoaldea industriagunetik aterata: 10:00etan, 11:00etan eta 12:00etan. Bisitak bukatzen direnean, bisitariak irteera puntura bueltatuko dira, Tren Berdean berriro. Gehienez bederatzi lagun sar daitezke COVD-19a dela eta. Horregatik, ordutegi bakoitzean hiru joan-etorri egingo ditu trenak.
Aldez aurretik erreserba egin beharko da, 943 49 50 69 edo 688 89 50 68 telefono zenbakietara deituta, edo e-posta bidez idatzita.
Udazkeneko ordutegiaren berri eman dute. Honakoa da:
- Urria eta azaroa: Asteazkenetik igande eta jai egunetara 10:00etatik 14:00etara.
- Abendua: ostiraletik igande eta jai egunetara 10:00etatik 14:00etara.
