Hiru egile oiartzuarrek JUUL Sarietan aipamena jaso dute
Ikastolen elkarteak ikasleen artean irakurzaletasuna sustatzeko sariak dira. Iosu Mitxelena, Jokin Mitxelena eta Pello Añorga saritu dituzte.
'Ispilutxo' [Pello Añorga eta Jokin Mitxelena; Elkar, 2016]. 
‘Ispilutxo’ [Pello Añorga eta Jokin Mitxelena; Elkar, 2016].
Euskal Herriko Ikastolen Elkarteak urtero-urtero antolatzen ditu JUUL Sariak. Ikasleen artean irakurzaletasuna sustatu nahi dute, eta horretarako bozketak antolatzen dituzte euren artean. Sarien 22. ekitaldia izan da aurtengoa. Udaberrian ospatu ohi dute, baina pandemiak baldintzatu du.
Hogei sari banatuko dituzte hauteskunde literarioetan, hamabost idazleen artean eta bost ilustratzaileen artean. Palmaresean hiru egile oiartzuarren izenak agertzen dira: Pello Añorga, Jokin Mitxelena eta Iosu Mitxelena.
Idazleak C kategoriako lehen saria lortu du, Ispilutxo (Elkar, 2016) liburuarengatik. Jokin Mitxelenarenak dira liburu horren ilustrazioak. 8 eta 10 urte arteko haurrek ematen dute botoa kategoria horretan.
Ilustratzaileen kategoriari dagokienez, Jokin Mitxelenak hirugarren postua lortu du. Iosu Mitxelenarentzat izan da bosgarren postua.
