Presoentzako 'resolution' aldarrikatzera deitu du Oiartzungo Sarek
Donostian egitekoak ziren mobilizazioa deszentralizatu egin behar izan dute, egoerak hala aginduta. Larunbat arratsaldean mobilizatuko dira.
Sarek mobilizazio handia deitu zuen larunbat honetarako, Donostian. Osasun egoeraren larritasuna dela eta, 600 pertsonara mugatu dute ekintza: mosaiko bat egingo dute Kontxa hondartzan. Gipuzkoako larrialdi egoera aintzat hartu du Sarek, eta har daitezkeen erabakiei aurreratu dira modu horretan.
Donostiako mobilizazio hori, beraz, deszentralizatu egingo dute. Toki bakarrean indarra egin beharrean, askotan egingo dute, baita Oiartzunen ere. 18:30ean jarri du zita Oiartzungo Sarek, Done Eztebe plazan. “Ezin gara etxean gelditu, presoen egoera larria da. Konponbidea behar dugu, preso eta iheslariak etxera bidean jarri behar ditugu”, nabarmendu dute.
Resolution (irtenbidea, frantsesez eta ingelesez) hitzarekin aldarrikatuko dute presoen egoerari irtenbidea ematea. Joanes Larretxea Oiartzungo presoarekin gogoratuko dira bereziki.
