Antton Kazabonek bere ehungarren liburua argitaratu du
'Mikel Larson' liburua argitaratu dio Erein argitaletxeak. Dantzari baten kontuak islatu ditu haur eta gazteentzako liburuan.
Kazabon, eskuinean, Aitor Aranarekin. 'Zuhaitza' liburua aurkeztu du legazpiarrak. Antton Kazabon oiartzuarra 33 urterekin hasi zen haur eta gazteentzako literatura idazten. 33 urte pasatu dira ordutik, eta genero horretan orain arte utzi duen uzta ez da nolanahikoa: ehun liburu idatzi ditu. Zifra biribil horretara iristea ahalbidetu diona da Mikel Larson. Erein argitaletxeak publikatu du liburua.
Protagonista dantzaria da. Inspirazioa Zamorako hotel batean iritsi zitzaion, iaz egindako oporraldian, hango dantzari bat ikusita, Kazabonen semea ere dantzaria delako. Irakurleak dantzari zein maitasun kontuak aurkituko ditu.
Haur eta gazte literaturan egindako lan emankorrean bilatu du irakurleak berak idaztean bezain beste gozatu izana. Gainera, pedagogia egiten saiatu dela ziurtatu du. “Denontzat egin behar dugu pedagogia. Kontaketaren lerro artean egiten saiatu naiz”. Horrez gain, aldarrikapenak egiteko edozein toki ona dela adierazi du, baita haur eta gazteentzako literatura ere.
