Gaur hasiko dira Euskaraldiko tailerrak, baita izena emate presentzialeko epea ere
Ahobizi eta belarriprest moduan aritu nahi dutenek izena emateko aukera izango dute Fermiñenen. Tailerrak udaletxean izango dira, edo online.
Entitateekin elkartzen ari dira Euskaraldiko taldeko kideak. Irudian, Urmendi haur eskolarekin. Aste pare bat falta dira Euskaraldiaren bigarren ekitaldia hasteko. Gaurtik aurrera, izena eman daiteke Ahobizi edo Belarriprest bezala, turismo bulegoan, Fermiñene eraikinean (ikus behean ordutegiak). Toki berean har daiteke bakoitzaren rolaren txapa.
Gaur arratsaldean ere hasiko dira tailerrak, aurrez aurre eta online. 17:00etatik 18:30era izango da gaurko saioa. Beste bi gehiago egingo dituzte: hilaren 10ean —19:00etatik 20:30era— eta 17an —17:00etatik 18:30era—.
Tailer presentzialek edukiera mugatua dutelako izena eman beharko da aldez aurretik. Horretarako 943 26 01 82 telefono zenbakira deitu beharko da, edo e-posta bidez idatzi.
Tailer horietan online parte hartzeko, berriz, esteka honetatik sartu beharko da.
Fermiñeneko ordutegia
- Hilaren 5ean: 10:30etik 13:30era, eta 17:00etatik 20:00etara.
- Hilaren 6an: 17:00etatik 20:00etara.
- Hilaren 10ean: 10:30etik 13:30era.
- Hilaren 12an: 10:30etik 13:30era, eta 17:00etatik 20:00etara.
- Hilaren 13an: 17:00etatik 20:00etara.
- Hilaren 16tik 20ra: 17:00etatik 20:00etara.
