Oarsoaldea osoan COVID-19 kasuak nabarmen gora atzo
Igoerarik nabarmenenak Errenteria-Oreretan eta Pasaian izan dira. Oiartzunen nahiz Lezon zortzina infektatu gehiago atzeman dituzte.
Atzo, asteartea, Oarsoaldean COVID-19agatik 73 infektatu gehiago atzeman zituzten Oarsoaldean: 39 Errenteria-Oreretan, hemezortzi Pasaian, eta zortzina Lezon nahiz Oiartzunen. Horren ondorioz, herri horietako 100.000 biztanleko tasek gora egin dute (beheko koadroan xehetasunak).
Osasun Sailak emandako datuen arabera, koronabirusa atzemateko 17.890 proba egin zituzten atzo, 15.368 PCR erakoak eta beste 2.522ak antigenoenak. Horietatik %7,8ak eman zuen positibo.
Jarraian, Oarsoaldeko herrien tasak:
- Pasaia: 1.286,58 (astelehenean 1.262,64).
- Lezo: 1.032,45 (astelehenean 983,28).
- Errenteria-Orereta: 904,31 (astelehenean 844,52).
- Oiartzun: 743,89 (astelehenean 714,91).
- Gipuzkoa: 1.101,37 (astelehenean 1.093,28).
Osasun Sailak datu horiek eta beste asko gaur eman ditu, txosten bidez. Beheko estekan klik eginda lor daiteke.
