Joanes Larretxea presoa etxetik gertuago eraman dute
Herrera de la Manchako espetetxetik Villabonakora (Asturiasen) hurbilarazi dute. Oiartzundik 245 kilometro hurbilago dago espetxea.
Espainiako Espetxe Erakundeek jakinarazi dutenez, datozen egunetan sei preso hurbilduko dituzte Euskal Herrira edo bertatik gertuago dauden espetxeetara.
Horietako bat Joanes Larretxea izango da. Oiartzungo presoa Herrera de la Manchako presondegian egon da, herritik 642 kilometrora. Villabonako (Asturias) espetxera eramango dutela jakinarazi du gobernuaren kartzeletarako erakundeak. Oiartzundik 397 kilometrora dago.
Bestalde, Oiartzungo Sarek bidean jarraituko du, Larretxea etxera ekarri arte. Izan bidea kanpaina aurkeztuko dute bihar arratsaldean (hilak 27, ostirala). Ikastolako pilotalekuan elkartuko dira, 18:30ean.
Pasa den asteburuan mobilizazioa egin zuten: oiartzuarrek kilometroak pilatu zituen, Izan Bidea-ren aplikazioko kopuruari batzeko. Hainbat herritarrek mendirako bidea hartu zuten, eta dinamikaren kamiseta urdina jantzita zutela argazkiak atera zituzten. Bideo bat egin dute horiekin.
https://twitter.com/sareoiartzun/status/1331628435991629824
