COVID-19aren eremu gorritik ateratzeko bidean da Pasaia
100.000 biztanleko kutsatze tasen beheranzko joera nabarmena atzeman da azken egunotan Oarsoaldean. Errenteria-Orereta da zifra altuenak dituena.
![](https://oarsoaldea.hitza.eus/site/files/2020/11/covi.jpg)
Koronabirusaren datuak itxaropentsuak ari dira izaten azken aldian, 100.000 biztanleko tasa guztiak beherantz ari baitira egiten nabarmen. Kutsatze kasuak ere gutxitu ziren atzo Oarsoaldeko udalerri gehienetan.
Errenteria-Oreretan 11 PCR positibo atzeman zituzten atzo (asteazkenean 21), lau Pasaian (asteazkenean bost), bakarra Lezon (asteazkenean hiru) eta bi Oiartzunen (bakarra asteazkenean).
Jarraian, herrietako tasen zerrenda, atzoko datuekin:
- Errenteria-Orereta: 592,91 (asteazkenean 622,8).
- Pasaia: 514,63 (asteazkenean 538,57).
- Lezo: 393,31 (asteazkenean 442,48).
- Oiartzun: 318,81 (asteazkenean 338,13).
- Gipuzkoa: 698,55 (asteazkenean 742,06).
Osasun Sailak gaur emandako datuetatik ateratakoak dira zifra horiek. Hemen klik eginda txosten osoa jasotzeko aukera (PDF artxiboa da).