Mendiburu 14 eraikina egiteko lanak berriro martxan daude
Bi hilabete inguru egon dira geldirik. Hilaren 12an hasi dira berriro lanean, lurra egonkortu dela frogatu ondoren. Zaintza handiagoa izango da.
Mendiburu 14 eraikineko obrak berriro martxan daude. Hilaren 12an bueltatu ziren langileak eraikuntza lanetara. Gaur, adibidez, sortu den zuloan dauden langileek habe bat jarri behar zuten, eta hormigoia bota.
Obrak bi hilabete inguru egon dira geldirik, Done Eztebe parrokian agertu zen artesia ikusi eta etetea erabakita. Lur mugimenduak egon ziren, eta hilabete honen hasieran egindako neurketek esan zuten ez zela mugitzen. Zuhurtziagatik, egun batzuk gehiago itxoin zituzten berriro lanean hasi arte.
Obrak estuago zainduko dituztela iragarri dute.
