San Pedroko pintada matxistak gaitzetsi ditu Pasaiako Mugimendu Feministak
Feminismoaren eta abortatzeko eskubidearen kontrako pintaketak "egiturazko indarkeria matxistaren esentzia" estalpetzeko ahalegina direla salatu dute.
Azaroaren 25ean Antxon izandako bilkurako artxibo irudia. 
San Pedroko Pablo Enea parkean agertutako pintadak gaitzesteko adierazpen bateratua egin dute Pasaiako talde feministek, horiek emakumeek egunero pairatu behar duten jazarpena areagotzen dutela argudiatuz: “Ez dira berriak guganako erasoak, egunero jasaten ditugu emakumeok gure gorputzen aurkako irainak, mespretxuak, kolpeak, erailketak”.
Mezu horiek indarkeria matxistaren esentzia estalpetzen dutela uste du Pasaiako Mugimendu Feministak,”erasotzaileak kasu isolatuak izango balira bezala plazaratuz”. Herriko emakumeek argi daukate sistema kapitalista heteropatriarkala dela erasotzaileak legitimatu eta konplizeki babesten dituena.
Adierazpen bateratua osorik irakur daiteke honako esteka honetan.
