Pirritx, Porrotx eta Marimototsen ikuskizunerako sarrerak, hilaren 16an salgai
Ugaldetxo Kultur Taldeak urtero antolatzen duen emanaldia hilaren 31n izango da. Bi saio egingo dituzte, eta sarrerak egun bakarrean saldu.
Ugaldetxo Kultur Taldeak urtero antolatzen du Pirritx, Porrotx eta Marimotots pailazoen ikuskizuna. Aurten ere gonbidatuko dituzte, eta pailazoek Amaren intxaurrak emankizun berria eskainiko diete Oiartzungo haurrei.
Egoerak hala baldintzatuta, bi saio egingo dituzte Elorsoro kiroldegian. lehenengoa 16:00etan hasiko da, eta bigarrena 18:30ean.
Sarrerak Elorsoro kiroldegiko leihatilan salduko dituzte, hilaren 16an —hurrengo larunbatean—. Txarteldegia 16:00etan irekiko dute, eta 20:00etan itxi; zortzi euroan salduko dituzte sarrerak.
Honakoa da Amaren intxaurrak istorioaren sinopsia:
Heriotza gaia du ardatz Amaren intxaurrak proiektuak. Haurrek eta familiek, eta orohar, (hezkuntza) komunikateak gaia lantzeko euskarri bat gehiago izan nahi du sudurgorrien azken lanak. Naturak heriotza ulertzen lagundu die Pirritx, Porrotx eta Marimototsi: bizitzaren parte da heriotza ere.
