Elkartasun jaia, odola eman eta elikagaiak biltzeko
Gaur egingo dute odola emateko eta Greziako errefuxiatuentzat elikagaiak biltzeko hitzordua.
Maiatzeko odol emate saioa Merkatuzarren. Hurrengoa, abuztuaren 4an izango da. Lau Haizetara Euskaltzaleen Topaguneko Zaintza lan taldeak hitzordua egin du gaur. Garrantzitsua da hitzordu hori; odola emango dute bertaratzen direnek, baita elikagaiak ere Greziako errefuxiatuentzat. Elkartasun Jaia izena jarri dio hilabetero hutsik egin gabe Erdialdean eta Beraun auzoan antolatzen duten egunari. Ez da noski jai ohikoa, baina osagai garrantzitsuena elkartasuna denez, ospatzekoa dela iritzita jaia deitu nahi izan du euskaltzaleen elkarteak.
Gaur beraz hitzordua dute odola eman nahi dutenek, baita Zaporeak elkarteak Greziako errefuxiatuei jaten ematen segi ahal izateko elikagaiak eman nahi dituztenentzat. 17:00etatik 20:30era izango dira Merkatuzarren horretarako.
Odola eman nahi dutenek, aldez aurretik hitzordua egin beharko dute 679 22 85 39 edo 600 22 49 50 telefono zenbakietara deituta.
Ondoko loturan aurtengo egutegia odola eman eta elikagaiak biltzeko zehaztutako egunekin. Gorriz Merkatuzarren egingo dituztenak; berdez, Beraungo Jubilatuen egoitzan egingo dituztenak.
