Ostalaritza itxita eta eskola kirola etenda, gaurtik
Udalerriaren itxiera perimetralari, eremu gorrian sartuta, ostalaritzaren itxiera eta kirol jarduerarako neurriak gogortzea gehitu behar zaio.
Hamalau eguneko 100.000 mila biztanleko 500 positiboen langa gainditu zuen atzo Errenteria-Oreretak, eta beraz, eremu gorrian dauden udalerrien zerrendara batu da. Une honetan, Oarso eta Bidasoko herrien artetik, Oiartzun da COVID-19aren kutsatze maila larrienera heldu ez den bakarra.
Eremu gorrian sartuta, ostalaritza itxita, eskola kirola bertan behera eta kirol jardueretan hartu beharreko osasun eta segurtasun neurriak gogortzea iritsiko da gaur. Horrenbestez, ostalaritza itxita esnatu da gaur udalerria, eta eskola kirolako entrenamenduak ere bertan behera utzi dituzte gauerdian hasita. Kirol jarduerarako neurriak ere gogortzea ekarri du eremu gorrian sartzeak; hemen kontsulta daitezke neurri horiek, egin daitekeena eta ezin egin daitekeena eremu gorrian izanik kirolarekin lotuta.
Eusko Jaurlaritzak ezarritako neurriak kirol jardueratik kanpo, hemen kontsulta daitezke.