Asteme, katuko eta Oilarqueenen gordelekuen bila
Inauteriak izan ziren pandemia aurretik ospatutako azken jaiak. Urtebetera, ez da ospakizunik izango, pandemiaren hirugarren olatu betean. Inauterietako pertsonaiek baina, ez dute hutsik egin, eta erronka bota diete errenteriarrei.
Oilarqueen,Ion Collar, Katuko eta Asteme, erronka aurkezten. Inauteriak izan ziren pandemia aurretik ospatutako azken jaiak. Urtebetera, ez da ospakizunik izango, pandemiaren hirugarren olatu betean. Inauterietako pertsonaiek baina, ez dute hutsik egin, eta erronka bota diete errenteriarrei. Gaur eman dute horren berri, Ion Collar Kultura zinegotziarekin batera egin duten agerraldian.
Erronka horretan eskutik datoz udala, Asteme, Katuko eta Oilarqueen, Xenpelar Bertso Eskola, eta Zoruk antzerki taldea. Asmoa hiru pertsonaien presentzia ebrmatzea izan da inauterietako egunetan, eta horrekin lotu dute erronka; pertsonaien irudiak herriko 51 txoko ezberdinetan ezkutatu dituzte, auzo guztietan, eta herritarrek irudi horiek aurkitu beharko dituzte. Aurkitutakoan argazkia egin eta posta elektronikora bidali beharko dituzte. Parte hartzaile guztien artean, sariak zozkatuko dituzte.
Ostegunean hasiko da erronka, hilaren 11n eta 21ean amaitu.
Ezkutalekuak erabakitzeko Xenpelar Bertso Eskolako kideen laguntza izan dute hiru pertsonaiek, eta ezkutaleku bakoitzeko pista bat idatzi dute. Ostegunetik aurrera zabalduko dituzte pista horiek Herri Biziako facebook eta Twitter kontuetan eta Herri Bizia web orrian.
Ikuskizunak
Ez inauteriak girotzeko iniziatibetako bat da Asteme, Katuko eta Oilarqueennek proposatu duten erronka, baina ez bakarra ordea; horietako pertsonaje bakoitzak ikuskizun bat proposatu die herritarrei; guztiak Niessen Kulturgunean emango dituzte eta sarrerak bibe plataformaren bidez eskuratu behar dira.
Oilarqueen The Chancletes taldearen Anticoronavaca.ret ikuskizuna aukeratu du. Hilaren 12an izango da 19:00etan; umorea, satira, kritika kabaret erritmoan.
Astemeren proposamena honakoa: Tartean Teatro konpainiaren Ez dok ero antzezlana; hilaren 13an, 19:00etan.
Familiari begirako ikuskizuna aukeratu du Katukok, Spasmo Teatroren Ebook 2.0.
