Ibilgailuen joan-etorria kontrolatzen ari da Ertzaintza Lezon
COVID-19agatik ezarritako itxiera perimetralaren zaintza egiten ari direla esan diete ertzainek HITZAri, eta batez ere autoak geldiarazten ari dira.
Ertzaintza ibilgailuen joan-etorria kontrolatzen ari da Lezoko sarreran, herrirako noranzkoan (10:30ean han zeuden), Altamirako biribilgunea baino lehentxoago.
Ertzainek HITZAri esandakoaren arabera, koronabirusari aurre egiteko neurrien ondoriozko itxiera perimetralaren zaintzarako ari dira bertan ibilgailuen emariari kasu egiten, ziurtatuz bertatik doazenak baimenduta dauden jarduerak egitera doazela (lanera, besteak beste).
Araba, Bizkai eta Gipuzkoako herrietatik ezin da sartu ez atera baldin eta Jaurlaritzak baimenduta dituen jarduerak egiteko ez bada. Gainera, Lezo eremu gorrian dago.
