Doako wifi sare ireki berria herriko hainbat eremutan
Ez da erabiltzaile eta pasahitza behar sarera konektatzeko. Herriko hainbat espazioetara zabaldu du udalak.
Udalak wifi sare ireki eta doakoa zabaldu du udalerriko hainbat gunetan; pasahitzarik eta erabiltzailerik ez du behar.
WiFi4EU izeneko banda zabaleko sarea Europako Batasunaren proiektu baten parte da, eta erabilera publikoko eraikinetan eta espazio irekietan sareari konektagarritasuna ematea du helburu. Sare hori honako eraikinetan zabaldu da: udaletxean, gizarte zerbitzuetan, Lekuonan, Merkatuzarren, Niessenen, Galtzarabordako kiroldegiko erabilera anitzeko gelan, Reina aretoan eta Xenpelar Etxean.
Horiekin batera, honako espazio publikoetan ere zabaldu du udalak sarea: Lekuonaren kanpoaldean, Zumardian, Beraungo eta Fanderiako igerilekuetan, Diputazio plazan eta Foru plazan.
Sarearen erantzuna aztertuko du udalak, eta erabiltzaile gehien konektatzen ari diren puntuak nola funtzionatzen duten, sarea hedatzen jarraitzeko.