Salto! udalekuetan izena eman daiteke
Ekainaren 28tik 4ra bitartean egingo dira UEMAren udalekuak, Zumaiatik Lekeitiora bitartean. Martxoaren 31ra arte eman daiteke izena.
Udalerri Euskaldunen Mankomunitateak (UEMA; Oiartzun kide da) Salto! udalekuak antolatu ditu aurtengo udarako. Ekainaren 28tik uztailaren 4ra bitartean izango dira, Zumaiatik Lekeitiora.
14 eta 18 urte arteko gazteei zuzenduta daude udalekuak. Izena emateko epea irekita dago, martxoaren 31ra arte. 943 81 66 99 telefono zenbakira deitu beharko da. E-posta bidez jar daiteke harremanetan, edo posta arruntaz (UEMA. Azoka plaza. 6 bulegoa. Enparantza nagusia, 11. 20730 Azpeitia). Esteka honetako galdetegia beteta ere eman daiteke izena.
Izena, abizena, helbidea, jaioteguna, kontakturako posta helbidea zein telefonoa idatzi behar dira.
Prezioa 89 eurokoa izango da, eta taldea, gehienez, 50 gaztetxok osatuko dute. Lau etapatan banatu dituzte udalekuak:
- 1. etapa: Zumaia-Itziar (ekainak 28).
- 2. etapa: Itziar-Ondarroa (ekainak 29 eta 30).
- 3. etapa: Ondarroa-Lekeitio (uztailak 1, 2 eta 3).
- 4. etapa: Bukaera, Lekeitiotik etxera (uztailak 4).
