Asteazkenean odola eman ahal izango dute antxotarrek
Herriko Kultur Etxean odola emateko saioa egingo dute datorren asteazkenean, 16:30etik 20:10ak arte. Aurretik hitzordua emango dute.
Antxoko Odol Emaileen Taldeak asteazkenerako deitu ditu antxotarrak elkartasun keinua egitera. Kultur Etxeko ateak zabalduko dituzte, 16:30etik 20:10ak arte, nahi duenak odola eman dezan.
Osasun eta higiene protokoloa kontuan hartuta egingo dute jarduera, eta hori errespeta dezatela eskatu diete emaileei. Ildo horretan, banan-banan dei egingo diete telefonoz, aurrez hitzordua emateko. Urtarrilean 38 odol poltsa jaso zituzten.
