Usategietako bidean konponketak egingo dituzte
Gurutze auzoa eta Usategieta lotzen dituen herribideko sarrerak obrak egingo dituzte Oiartzungo Udaleko langileek. Bidea itxita egongo da hilaren 26ra arte.
Bidea hainbat egunez itxita egongo da.
Oiartzungo Udalak informatu duenez, Gurutze auzoa eta Usategieta lotzen dituen herribideko sarrera konponduko dute. Horregatik, hilaren 26ra arte herribidea itxita egongo da.
Lanen helburua sarrera txukuntzea izango da, ibilgailuek azpia jotzea saihestu nahi dutelako. 5.000 euro inbertituko dituzte Usategietako bidean egin beharreko lanetan.
