Presoen eskubideen aldeko gazte martxa antolatu dute
Hilaren 27an, 10:00etan hasita, gazte martxa egingo dute plaza, Urkabe, Gurutze eta berriro plaza artean, eta bidean hiru sortzailek beren lana eskainiko dute.
Presoen eskubideen aldeko mendi martxa antolatu du Oiartzungo sarek, gazteei zuzendutakoa. Hilaren 27an izango da, plazatik abiatuta, 10:00etan. Urkabe eta Gurutze auzotik pasatuko dira, eta Done Eztebe plazan bukatuko da.
Bidean hiru geldialdi egingo dituzte. Geldialdi bakoitzean, herriko hiru sortzaile gaztek beren lana eskainiko dute. Honakoa izango da:
- Urkabe gainan Josu Ibarguren bertsolaria.
- Gurutzeko frontoian, Luix Mitxelena antzezlea.
- Oiartzungo plazan, June Galardi musikaria.
Ahal izanez gero, kamiseta urdina janzteko eskatu diete parte hartuko dutenei.
