Maite Gartzia da Elkarrekin Podemos-IUko bozeramaile berria
Gartziak Ion Collar ordezkatuko du, Pablo Iglesiasen taldean udal lanarekin bat egingo baitu aurreko bozeramaileak.
Maite Gartzia Ontiveros izendatu dute Errenteriako Elkarrekin Podemos-IU udal taldearen bozeramaile. 
Maite Gartzia Ontiveros izendatu dute Errenteriako Elkarrekin Podemos-IU udal taldearen bozeramaile. Gartziak Ion Collar ordezkatuko du, Pablo Iglesiasen taldean udal lanarekin eta herri batasunaren inguruko ekintza politikoarekin lotutako ardura berriak hartuko baititu hark.
Maite Gartzia Iztietan bizi da, Udaleko Gazteria eta Kirol saileko zinegotzia da eta Podemos – Ahal Dugu Gizarte Zibilaren eta Herri Mugimenduaren ardura du EAEn. Bere jarduera politikoaz gain, urteak daramatza mugimendu sozial eta auzotarrekin lotuta.
Gartziak azpimarratu du Elkarrekin Podemos-IU taldeak “udalerri feminista, berdintasunaren aldekoa, inklusiboa eta erantzunkidea” lantzen jarraituko duela, “kulturan inplikatua, ingurumena babesten duen tokiko ekonomia sozial, sortzaile eta jasangarrian oinarritua”.
Amaitzeko, gogora ekarri ditu herriko hainbat gizarte talde: “Pandemiaren garai hauetan, gure adinekoak, gure gazteak eta gure haurrak, gure komunitate osoa, entzutearen, zaintzearen eta babestearen” garrantzia azpimarratu du.
